Utset Hjertefred-arrangementet
Oppblomstringa av koronasmitta gjer at det ikkje blir noko Hjertefred-arrangement søndag.
– Me har vald å utsetja arrangementet på grunn av den uoversiktlege smittesituasjonen, fortel Jannike Alvær Lie i Hjertefred Tysnes.
Planen var å arrangera Hjertefred i OnarTun søndag, men no set koronaviruset ein førebels stoppar for planane. Det er stadig fleire som testar positivt for viruset på landsbasis, og på Tysnes har det vore fleire smittetilfelle og stor testaktivitet den siste veka.
Artikkelen held fram under annonsen.
– Difor vel me å utsetja arrangementet, og vil heller prøva på å få det til ei seinare helg, fortel Alvær Lie.
