Gøy på romjulscup

I dag vart «Tysnes Kraftlag romjulscup» sparka av i Tysneshallen.

I fjor gjorde for få påmelde lag at cupen vart avlyst. I år er det ti herrelag og tre damelag som deltar.

– Me er glade for at det er såpass mange lag som deltar i år, fortel Helge Hauge.

Han legg til at det dei siste åra har vore dalande interesse for cupen, som tidlegare har gått over fleire dagar i romjula. I år vert alt spela ferdig på ein dag.

God trening

Først ut var dei yngste. Omlag 35 spelarar frå 1. til 6. klasse vart delt inn i lag, og spela mot kvarandre.

– Det er kjekt å samlast og spela fotball.

Det var lagkameratane Markuss Staskcs og Theodor Meland samde om då «Tysnes» møtte dei mellom to fotballkampar.

Gutane, som begge spelar fotball til vanleg, syns det var bra at det i år vart arrangert cup, då det ellers ikkje vert så mykje fotballspeling på vinterstid.

– Då får me øvd oss litt, slik at me ikkje gløymer så mykje til treningane og kampane byrjar att til våren, smila dei.

Etter at dei yngste var ferdige, vanka det medalje til alle spelarane.

Frå klokka 14.00 spelar herre- og damelaga sine kampar.

Les meir i «Tysnes».

lena helvik redaksjonen@tysnesbladet.no