Unge og eldre tok turen i skiløypene
Både unge og eldre tok turen til Solheimsdalen og skianlegget ved Løkjen i det fine vinterveret laurdag.
Ein del tok turen vidare innover fjellet, medan andre nytte finveret i området rundt skianlegget eller gjekk runde etter runde i dei oppkøyrde spora i skitraseen.
Ein av dei unge skientusiastane var Hans Jakob Dalland Helland (6). Han kosa seg området saman med mamma og pappa og veslebroren.
– Det er kjekt å gå på ski, seier han når «Tysnes» møter han ute i løypa.
Eldre skientusistar som Vegard Magnussen, Anders Magnussen og Øyvind Skaten gjekk runde etter runde.
Leiar i Onarheim IL, Magne Storesætre, er godt nøgd med oppmøtet.
– Det har vore folksamt i heile dag, fortel han til «Tysnes» like før det byrja å skumrast.
Framfor smørjebua på skistadion hadde idrettslaget fyrt opp bålpanna.
Bålpanna var det også fyr på andre juledag om kvelden – då Onarheim IL på facebook sida si inviterte til kveldstur i ljosanlegget.
Ole Skaten ole@tysnesbladet.no
Artikkelen held fram under annonsen.