KOM FRÅ RINDAL: Familien på prestegarden i Rindal ca. 1895, ti år før dei flytta til Tysnes. Framste rekkje frå v.: Finn, Eva, Torhild og Rut, som sit på fanget til hushjelpa. Ståande frå v.: guvernanten Signe, Dagny m/kvit krage. Maren Kristine med Erling på fanget, Thorvald August og Anna. Dei to yngste borna Hans og Ingegerd er enno ikkje fødde.
Frå presten si dagbok
I ettertid har Thorvald August Berger, som verka som prest i Tysnes frå 1905 til 1915, blitt ståande i eit heller dystert lys. Det er kanskje ikkje så rart, ettersom han kom i konflikt med både kyrkjefolk og bygdafolk på fleire område. Og då kona hans tok livet sitt ved drukning i 1912, byrja folkesnakket å gå.
