Tidlegare i juni handsama hovudutvalet for kultur, idrett og inkludering i Vestland fylkeskommune tildeling av midlar til kulturarenaer med regionale funksjonar. Fleire søknader frå Tysnes fekk positive svar, og søkjarane fekk tildelt til saman 205.000 kroner.
Gunnar Onarheim fekk 100.000 kroner til å restaurera taket på smia til Årbakka handelsstad. Linnea Haneberg Wilmot fekk 40.000 kroner til restaurering av Nymark handelsstad. Aasne Sunniva Søreide fekk 40.000 kroner til det gamle rekkjetunet i Færavåg. Reidun Myklebust fekk 25.000 kroner til restaurering av eit naust i Nordvågen.
Annonse
Sogelaget hadde søkt om pengar til restaurering av kjellaren i Tinghuset i Uggdal. Roger Hope Skorpen hadde søkt om pengar til å setja i stand og sikra kvernhuset på Hope. Både Sogelaget og Hope fekk avslag på sine søknader i denne runden med tildelingar. Fylkeskommunen grunngjev avgjerda med avgrensa tilskotsmidlar.
