Den første helga i august har allereie vore særs innhaldsrik, og enno er det ein dag igjen.
Om du framleis har noka kraft igjen i beina etter Laksafest på fredag og dansing til ABBA-låtar på laurdag, kan du i dag snøra på deg joggeskoa og springa opp til toppen av Blåbærhaugen, der det kanskje vankar ein premie til nettopp deg.
Annonse
I dag blir nemleg motbakkeløpet Blåbærhaugen opp arrangert for 14. gong. Det er oppmøte/start på Alsaker Brygge, og etter 3,5 kilometer og ei stigning på nesten 300 høgdemeter kjem ein i mål på Blåbærhaugen.
Det er Onarheim IL som står for arrangementet, og det blir premiering til dei 3 beste i konkurranseklassane for kvinner og menn. I mosjonsklassen er det ein heldig vinnar som stikk av med premien for å komma nærmast oppsett idealtid. Det vil også bli trekt nokre gåvepremiar.
