Loppemarknad, bakverk og Hjertefred i helga
Publisert
Loppemarknad, fersk bakst, Halloweenfest og Hjertefred står på programmet når tysnesingane går inn i ei innhaldsrik helg.
Laurdag inviterer Tysnes ungdomslag til Halloweenfest i Vonheim for elevane på ungdomsskulen.
Annonse
På Årbakka held Ida Meland bakeriet sitt ope både laurdag og søndag. Her kan ein kjøpa fersk gjærbakst, kaker og andre godsaker frå hagebakeriet.
Laukhamar fritid inviterer til loppemarknad begge dagane. Det blir òg sal av kaker, bollar og varm drikke.
Søndag er OnarTun vertskap for det tradisjonsrike arrangementet Hjertefred.
På programmet står dei lokale artistane Iben Guldbrandsen, Julie Kristine Aarvik, Selma Aarvik, Endre Hodneland og Kristoffer Nordal. I tillegg kjem Chris Lund frå Bergen og lyrikaren Kristin Straume, kjend som Berre Kristin.
Annonse
Hjertefred er gratis og ope for alle.
