Fastrentene på studielån blir sette ned frå 1. september, ifølgje ei ny pressemelding frå Lånekassen.
For dei som bind renta i tre år, blir den nye renta 5,233 prosent, medan fem års binding får ei rente på 5,099 prosent. Lågast blir renta for ti års bindingstid, med 4,946 prosent.
Annonse
Til samanlikning er den flytande renta i Lånekassen 4,602 prosent. Det betyr at alle dei tre fastrentene framleis ligg høgare enn den flytande renta.
Dei aller fleste med studielån har flytande rente. Ifølgje Lånekassen gjeld det 792.400 kundar, medan 9.900 har bunde renta.
Rentene i Lånekassen blir fastsette med utgangspunkt i gjennomsnittet av dei fem beste tilboda på bustadlån i marknaden, med eit frådrag på 0,15 prosentpoeng. Det er Finanstilsynet som fastset rentesatsane.
Annonse
