Fjord1: – Bruk heile opningstida
Publisert
I eit tekstvarsel sendt ut til reisande skriv Fjord1 at dei ventar stor trafikk på ferjesambandet Halhjem–Våge denne veka. Årsaka er både Tysnesfest, som startar på torsdag, og asfaltarbeidet som skjer på Tysnes denne veka, som etter planen skal halda fram til og med torsdag.
På vegner av Skyss oppmodar Fjord1 difor reisande om å bruka heile opningstida på sambandet og møta fram på kaien i god tid før avgang. Dette meiner dei vil bidra til ei jamnare trafikkavvikling og redusera ventetida for dei reisande.
