Innsamlingsaksjonen er i gang
Bøsseberar Ørjan Kjerland oppmodar folk som ikkje er heime eller ikkje har kontantar om å bruka Vipps.
Ørjan Kjerland er leiar i Onarheim bygdalag, som er kontaktledd for innsamlingsaksjonen på Onarheim.
Han fortel at folk har vore villige til å stilla når dei har blitt spurt om å vera bøsseberarar. Allereie måndag denne veka var alle bøsseberarane på plass.
Artikkelen held fram under annonsen.
– Når andre seier ja til å gå med bøssene, då må jo seia ja sjølv og, seier han og smiler.
Då «Tysnes» møtte han, var han på innsamlingsrunde i Flakkavågen.
Han har møtt mange folk heime, kanskje på grunn av ruskaveret, men ikkje alle har kontantar.
– Då oppfordrar eg folk om å bruka Vipps, seier han.
Den same meldinga om å bruka Vipps går og til dei som ikkje er heime.
– Det blir spennande å sjå resultat, seier han.
Vipps-nummeret er 2133.