I perioden frå 1. januar 2022 til 15. april 2026 blei det varsla 50 arbeidsulykker med alvorleg skade blant unge mellom 15 og 24 år i Vestland. Dei fleste ulykkene skjedde i sommarmånadane.
– Sommarjobben skal gi erfaring, meistring og løn på konto. Han skal ikkje enda på legevakta med sting, gips eller varige skadar, seier Tobias Kvalvik, kommunikasjonssjef i Gjensidige.
Annonse
Bygg- og anleggsbransjen skil seg klart ut på landsbasis, med 132 varsla ulykker blant unge i sommarmånadane i åra 2022 til 2025. Deretter følgjer industri med 63 ulykker, varehandel med 39 og jordbruk, skogbruk og fiske med 35.
Fall var den vanlegaste typen alvorleg arbeidsulykke blant unge, etterfølgd av klemskadar, kutt- og stikkskadar og skadar etter støyt eller treff frå gjenstandar.
– Mange unge vil gjerne visa at dei duger. Det er bra, men det kan også gjera at dei tar på seg oppgåver dei ikkje forstår, eller lar vera å spørja når dei er usikre. Det er nettopp difor arbeidsgivaren må vera ekstra tydeleg, kommenterer Kvalvik.
