No kan du tenna bål igjen
Publisert
Frå og med i dag, 16. september, er det generelle bålforbodet i Noreg over for i år. Dermed er det igjen tillate å tenna bål i og i nærleiken av skog og utmark.
Fellesorganisasjonen Norsk Friluftsliv minner om at det likevel ikkje er heilt fritt fram – det er viktig å visa aktsemd heile året når ein gjer opp eld.
Annonse
– Nyt bålet, men bruk hovudet. Sjekk forholda, finn ein eigna bålplass og sørg for at du har kontroll på elden heile tida. Og hugs: Eit bål er ikkje ferdig før det er heilt sløkt, seier generalsekretær Ingeborg Gjærum.
Det er den som tenner bålet som har ansvaret for å sørgja for at det skjer på ein trygg måte.
