Nye morgoninnstillingar på Hodnanes-ferja
Beredskapsoppdrag stoppa dei fyrste avgangane på Hodnanes-sambandet tysdag morgon.
Nok ein gong vart sambandet Hodnanes-Nordhuglo-Jektevik innstilt på grunn av beredsskapsoppdrag og innstrammingar i kviletidsrutinane. Tysdag morgon gjekk fyrste ferje frå Hodnanes klokka 07.00, éin time etter det som normalt sett er den tidlegaste morgonavgangen.
«Grunnet beredskapsoppdrag blir første avgang fra Jektevik kl 06:45, deretter normal drift i ruten», skreiv Fjord1 i ei driftsmelding klokka 23.36 måndag kveld.
Artikkelen held fram under annonsen.
Ein dryg halvtime seinare kom ei justert melding som sa at fyrste avgang blir frå Nordhuglo klokka 06.25, og deretter vanleg rute frå Jektevik klokka 06.45.
Normalt sett startar sambandet opp med avgang frå Nordhuglo klokka 05.45, og deretter frå Hodnanes klokka 06.00.
Dette er tredje gongen i år at nattleg beredskapsoppdrag og kviletidsinnstrammingar stoppar morgonavgangar på Hodnanes-sambandet. Sist var tysdag i førre veke, då ferja ikkje var i drift før klokka 09.30 om føremiddagen.
