Stenger for besøk
Smittesituasjonen på Stord gjer at Helse Fonna stenger Stord sjukehus for besøkjande inntil vidare.
Det melder Helse Fonna søndag. Frå og med i dag blir sjukehuset på Stord stengd for besøkjande. Stenginga skjer på grunn av den lokale smittesituasjonen i Stord kommune.
– Talet på smitta i Stord har vore sterkt aukande siste veka, og dette har ført til restriksjonar også i nabokommunar, skriv kommunikasjonssjef i Helse Fonna, Magne Kydland, i ei pressemelding.
Artikkelen held fram under annonsen.
Stord kommune har opplevd sterk smitteauke dei siste dagane, og kommunen anbefaler innbyggjarane til å ta ekstra forholdsreglar i helga og komande veke. Mellom anna at ein held seg mest mogleg heime på fritida, og unngår større folkesamlingar og private samankomstar.
