Straumstans på Tysnes

BKK melder i morgontimane om straumstans. 226 kundar vart berørte kl. 07:24.

Oppdatering: Klokka 12.00 melder Joker Onarheim om at straumen er tilbake, og at butikken har opna att. BKK melder ikkje lenger om feil på Tysnes.

Pressevakt Jørgen Steffensen i BKK seier til «Tysnes» klokka 08:20 at det er 59 berørte kundar.

– I tillegg er det 28 kundar i i Solheimsdalen utan straum, men dei vil få straumen tilbake i løpet av eit kvarters tid, fortel Steffensen.

I følgje kartet til BKK gjeld straumstansen ein liten del av Gjerstad/Vågsneset, og strekkjer seg vidare sørover mot Solheimsdalen og ned til delar av Onarheim sentrum.

OnarTun melder om at matbutikken er stengd inntil vidare. Også barnehagen og skulen på Onarheim har mista straumen.

– Me vurderer situasjonen fortløpande, men førebels er elevane på skulen, seier rektor Bente Raknes ved Onarheim skule om situasjonen.

Årsaka til straumstansen er ein høgspentfeil. Denne er lokalisert, og BKK jobbar med å skøyta linja, slik at feilen vert permanent fiksa, informerer pressevakta.

I følgje BKK si straumstans-varsling, kan kundane venta straumen tilbake innan klokka 14.00.