Trafikkuhell på Hegglandsvegen: Ikkje alvorleg
Tysdag kveld melde Vest politidistrikt om ei trafikkulukke med tre bilar i Hegglandsvegen. Det var berre éin bil.
Tysdag klokka 18.46 melde Vest politidistrikt om ei trafikkulukke på Tysnes. Tre bilar skulle ha vore involvert i hendinga som skjedde på Hegglandsvegen. Det skulle ikkje vera snakk om alvorlege personskadar.
Onsdag morgon fortel politiet på Tysnes at meldinga som politiet hadde fått inn ikkje stemte.
Artikkelen held fram under annonsen.
– Då politipatruljen kom fram til staden i går, viste det seg at det ikkje var så veldig alvorleg. Det var heller ikkje tre bilar som var involvert som meldinga fyrst gjekk ut på, men éin bil. Det var heller ingen personskade, fortel tenestestadleiar ved politikontoret på Tysnes, Marita Flemmen Skogvold, til «Tysnes».
Både politiet og ambulansen rykte ut til Godøysundkrysset/Vadlasvingane. Det var i det området ulukka skjedde.
Politiet kjem ikkje til å oppretta sak etter hendinga.
Her er meldinga som gjekk ut tysdag kveld:
