GODT UTVAL: Hos Tysnes Elektrik fekk ein det meste, både innan sal og service, anten ein ville ha kjøleskap, vaskemaskin, strykejarn, radio eller tv-apparat.
Då mor fekk vaskemaskin
Det er nesten umogleg for oss i dag å førestilla oss kva det innebar då folk fekk straum på 1950-talet. Kvardagen vart brått så mykje enklare. Klesvasken kunne flyttast frå vaskestampen til vaskemaskinen, og støvsugaren reingjorde golva i ein fei. Og så kom det gjevaste av alt - fjernsynet. Og alt saman fekk ein både kjøpt og installert lokalt på Tysnes.
