Regnvêr stoppa ikkje turen til Blåbærhaugen
16 turgåarar frå Stord-Fitjar turlag sette førre veke kursen mot Onarheim og Blåbærhaugen. Der venta både lokalhistorie, regnvêr og ein matpause under tak.
Publisert
Førre veke tok Stord-Fitjar turlag turen til Onarheim for å gå til Blåbærhaugen. 16 deltakarar frå Senior 2-gruppa i turlaget var med. På Hodnanes blei dei tekne imot av utflytta stordabu og turleiar Svein A. Birkeland.
Svein fortel at turlaget arrangerer turar annankvar onsdag, meir eller mindre gjennom heile året.
Annonse
– Det er òg ei Senior 1-gruppe som går lengre turar på onsdagar, seier han.
Sigfred Framnes frå Stord-Fitjar turlag hadde samla deltakarane på Vabakkjen før gruppa køyrde til ferja.
– Eg informerte kort om historia bak Blåbærhaugen og ikkje minst at Alsaker Fjordbruk gjev pengar til Onarheim idrettslag for kvar signering på toppen, fortel Svein.
Turgåarane var ikkje heilt heldige med vêret, men gapahuken på toppen gav dei ly under matpausen.
Annonse
– Me avslutta på Onartun, og nokre let seg freista av softis, fortel Svein.
