Fjompenissar, julemesse og skumringstur
God laurdag morgon!
No er me allereie komne til siste helga i november, og sjølvsagt blir det litt førjulsstemning kringom i bygdene. Blant anna vil nok julemessa i Tveit grendahus bli godt besøkt i dag.
Frå messa på Tveit er det kort veg til ope baksteutsal heime hos Ida Meland på Årbakka. Ho held også ope søndag.
Fredag kveld hadde Tysnes Teaterlag premiere på «Knut og Fjompenissen» i Vonheim, ein familievennleg musikal med humor og massevis av julestemning. Gjekk du glipp av den første framsyninga, har du ein ny sjanse i ettermiddag.
I kveld arrangerer både Mandelhuset og Haaheim Gaard julebord.
Søndag er små og store velkomne til Kyrkjeståvo for «skumringstur i adventstid». Då blir det først refleksjakt ute, etterfølgd av song, lystenning, bollar og saft inne i varmen. Tysnes barnekor deltar.