MØTEVERKSEMD: Måndag kveld var lokale politikarar på besøk hos Mestringshusene. Frå Høgre stilte Jannike Epland Dalland, Kåre Martin Kleppe og Kristi Pedersen Madsen, frå Senterpartiet Øystein Dalland og Arne Leite, Ingrid Tysnes Stue og Ingrid Restad frå Arbeidarpartiet og Lorentz Lunde og Magne Hauge Skartveit frå Krf. Dei møtte Mestringshusene-leiarane Olaf Olsvik og Olaf Valeur, fleire representantar for dei tilsette, samt den tidlegare fagforeiningshøvdingen Atle Teigland, som var den som tok initiativet til møtet mellom Mestringshusene og politikarane.
Tysnes-politikarane skal føra felles front for framtida til Mestringshusene
Måndag inviterte Mestringshusene lokalpolitikarar på Tysnes til møte for å drøfta framtida til rusbehandlingsklinikken i Uggdal. Etter at regjeringa i sist veke sende saka til Stortinget, er avviklinga av fritt behandlingsval eitt steg nærare. Det kan i verste fall bety kroken på døra for Mestringshusene.
